15–17 ივლისს, თბილისის Marriott Hotel-ში, გამართულ საერთაშორისო კონფერენციაზე- Young Professional Fellowship Georgia 2025, რომელიც მიზნად ისახავს ახალგაზრდების გააქტიურებას გლობალური ლიდერობის, კლიმატის ცვლილების, ციფრული ადვოკატირებისა და ეთიკური მართვის მიმართულებით, Webster University Tbilisi-ს გუნდი წარმატებით წარსდგა.
ვებსტერ თბილისის განათლების დეპარტამენტის ხელმძღვანელმა თამთა ცხოვრებაძემ , როგორც ერთ-ერთმა მთავარმა სპიკერმა, კონფერენციაზე წარადგინა მოხსენება თემაზე:
“Towards Global Citizenship: Inspire a Shared Vision to Become an Exemplary Leader”
მისი გამოსვლა დაეთმო გლობალური მოქალაქეობის მნიშვნელობას, ახალგაზრდობის ჩართულობას და ლიდერობის როლს თანამედროვე მსოფლიო ცვლილებებში.
Webster University Tbilisi -ს მაგისტრატურის სტუდენტები კი – იოანე მახარაძე, ნიკოლოზ მაჭავარიანი და ალესანდრ ბერიშვილი — მონაწილეობდნენ კონფერენციაში დელეგატების სტატუსით და ჩაერთნენ მრავალფეროვან დისკუსიებში, პრაქტიკულ სესიებსა და სამუშაო ჯგუფებში.
Young Professional Fellowship Georgia ეძღვნება ახალგაზრდობის გაძლიერებას გაეროს მდგრადი განვითარების მიზნების (SDGs) შესაბამისად და მათ ჩართულობას სამოქალაქო აქტივიზმსა და გლობალურ ცვლილებებში.
